ភ្លៀង​មួយ​មេ​ធំ លិច​ផ្លូវ​ជា​ច្រើន​នៅ​ហូជីមិញ

កាល​ពី​ល្ងាច​ម្សិលមិញ ភ្លៀង​ចាប់​ផ្ដើម​ធ្លាក់​ចុះ​យ៉ាង​ខ្លាំង នៅ​ក្នុង​ទីក្រុង​ហូជីមិញ ប្រទេស​វៀតណាម ដែល​បណ្ដាល​ឲ្យ​សង្កាត់​ជា​ច្រើន​រង​គ្រោះ​ដោយសារ​តែ​ជំនន់​ទឹក​ភ្លៀង។ នៅ​តាម​ដង​វិថី​នានា គេ​សង្កេត​ឃើញ មនុស្ស​​ម្នា​ជាច្រើន​នាក់​បាន​ចុះ​បណ្ដើរ​ម៉ូតូ​ត្រៀបត្រា ក៏​ព្រោះ​តែ​កម្ពស់​ទឹក​លិច​ដល់​ក្បាល​ជង្គង់ ធ្វើ​ឲ្យ​រលត់​ម៉ាស៊ីន​ម៉ូតូ។ បន្ថែម​ពី​នេះ ផ្ទះ​ជា​ច្រើន​ខ្នង ក៏​បាន​លិច​លង់​ផង​ដែរ ចំណែក​ឯ​ចរាចរណ៍​វិញ ក៏​បាន​កក​ស្ទះ​ជា​ខ្លាំង។ ដោយសារ​កម្លាំង​ខ្យល់​លាយ​ឡំ​នឹង​ទឹក​ភ្លៀង ដើម​ឈើ​មួយ​ដើម​បាន​បាក់​រលំ​នៅ​សង្កាត់​ទី៧ ផ្លូវ Pham Huu Lau សង្កត់​បាក់​បង្គោល​ភ្លើង​ ធ្វើ​ឲ្យ​អ្នក​ភូមិ​នៅ​ទីនោះ​ពុំ​មាន​ចរន្ត​អគ្គិសនី​ប្រើប្រាស់៕