បើមានអារម្មណ៍ ១០ យ៉ាងនេះកើតឡើង ពេលនៅជិតបុរសណាម្នាក់ គួរឆាប់រៀបការទៅ ព្រោះខ្លាចស្រី...

បើនៅក្បែរគាត់ ធ្វើឲ្យយើងមានអារម្មណ៍ពិសេសៗ នោះបញ្ជាក់បានថាគាត់ជាមនុស្សដែលយើងត្រូវរៀបការជាមួយ ហើយគួរតែរៀបចំឲ្យលឿនបំផុតទៅ។ ព្រោះអាចមានអ្នកផ្សេងដណ្ដើមយកទៅបាត់។ ១.មិនធ្លាប់មានអារម្មណ៍ថាកើតទុក្ខម្ដងណាឡើយ ពេលនៅក្បែរគាត់ ព្រោះគាត់អាចធ្វើឲ្យយើងញញឹម ឬសើចបានរហូត។

២.ពេលនៅឆ្ងាយពីគ្នាយើងមានអារម្មណ៍ថានឹកខ្លាំង រហូតរសាប់រសល់ក្នុងខ្លួន នោះបញ្ជាក់បានថាយើងស្រលាញ់គាត់ខ្លាំងណាស់។ ៣.គាត់ព្យាយាមយ៉ាងខ្លាំង ដើម្បីធ្វើឲ្យយើងសប្បាយចិត្ត និងហ៊ានលះបង់ពេលវេលាជាមួយមិត្តភ័ក្ដិរបស់គាត់ ដើម្បីបាននៅក្បែរ។ ៤.គំនិតដែលចង់ស្គាល់ ឬណាត់ជួបបុរសដទៃទៀតគ្មាននៅក្នុងខួរក្បាលយើងសោះ ព្រោះគាត់ម្នាក់គ្រប់គ្រាន់ពេកណាស់ទៅហើយ។ ៥.មានអារម្មណ៍ថាពិភពលោកពិតជាស្រស់បំព្រង ពេលនៅក្បែរគាត់ ប្រៀបដូចលើលោកនេះមានតែយើងពីរនាក់។

៦.ពេលទាក់ទងជាមួយគាត់ភាពចាស់ទុំក្នុងខ្លួនចាប់ផ្ដើមមាន ហើយអាចរៀបចំខ្លួនជាសមរម្យជាងពេលមុនៗ។ ៧.មានអារម្មណ៍កក់ក្ដៅពេលគាត់នៅក្បែរ ទោះជាជួបនឹងហេតុការណ៍អាក្រក់ណាមួយក៏ដោយ។ ៨.បាននៅជិតគាត់ពេលណា អារម្មណ៍មានសុវត្ថិភាពលេចឡើងភ្លាម ជាជាងមានអង្គរក្សការពារឆ្វេងស្ដាំទៅទៀត។ ៩.បេះដូងយើងជាអ្នកប្រាប់ថា គឺគាត់នោះហើយជាម្ចាស់។ ១០.យើងមិនអាចស្រមៃពីជីវិតនៅថ្ងៃណាមួយ ដែលគ្មានរូបគាត់នៅក្បែរឡើយ៕