រូបភាព Cute Cute របស់​ស្រីស្រស់ រ៉េត ស៊ូហ្សាណា អាច​ធ្វើ​ឲ្យ​បុរសៗ​ភ្លឹកម្ដងៗ

អតីតបេក្ខនារី «The Voice Cambodia» រដូរកាលទី២ ដែលច្រៀងចម្រៀងជាភាសាបរទេសបានល្អជាងគេ និងចាប់ចំណាត់ថ្នាក់លេខ៤ លើពិភពលោក ដោយនាងត្រូវបានជ្រើសរើសបញ្ចូល «The Voice Global TOP 10-BEST Blind Auditionsof 2016» ក្នុងនោះមាន ១០ប្រទេស រួមទាំងកម្ពុជាផងនោះ ថ្មីៗនេះនាងបានបញ្ចេញរូបភាពស្អាតៗមានស្ទីលប្លែកៗ ធ្វើឲ្យប្រុសៗមួយចំនួនតាមសំឡឹងមិនដាក់ភ្នែក។ កញ្ញា រ៉េត ស៊ូហ្សាណា មិនត្រឹមតែមានទេពកោសល្យខាងច្រៀងចម្រៀងជាភាសាបរទេសបានល្អ និងភាសាជាតិនោះទេ នាងក៏មានសម្រស់មិនចាញ់តារារៀមច្បងប៉ុន្មានដែរ។

ថ្មីៗនេះមហាជនសង្កេតឃើញថានាងបានចេញចម្រៀងជាភាសាជាតិជាច្រើនបទ និងទទួលបានការគាំទ្រពីទស្សនិកជនជាច្រើន ជាពិសេសគឺមានការគាំទ្រពីស្រទាប់យុវវ័យយ៉ាងលើសលុបផងដែរ។ តែទោះបីជាយ៉ាងណាមិញតារាស្រីវ័យក្មេងខ្ចីរូប នេះក៏ហាក់បីដូចជាមិនភ្លេចការថែទាំសម្រស់ដែរ ព្រោះពីមួយថ្ងៃទៅមួយថ្ងៃសម្រស់នាងកាន់តែស្អាតដូច ម្ចាសក្សត្រីអ៊ីចឹង។