ជីជី ​បំភ្លឺ​ទំនាក់​ទង​ជា​មួយ ចាន់​ វឌ្ឍនាកា មិនមានអ្វីលើសពី...

​ពិធី​ការិនី​ល្បី​ឈ្មោះ​ GiGi (ជីជី) បាន​បដិសេធន៍​ព័ត៌មាន​​ដែល​បាន​ផ្សាយ​ថា ខ្លួន​មាន​ទំនាក់​ទំនង​​លើស​ពី​មិត្តភ័ក្ដិ​ជា​មួយ​តារា​បាល់ទាត់​ឆ្នើម​របស់​កម្ពុជា ចាន់​ វឌ្ឍនាកា ។

កាល​ពី​ពេល​ថ្មី​ៗ​​នេះ​ ចាន់ វឌ្ឍនាកា បាន​ត្រឡប់​ពី​ប្រទេស​ជប៉ុន​​ដើម្បី​មក​ធ្វើ​ខួប​កំណើត​​ឲ្យ​ឪពុក​លោក ចាន់​ ជេស្ដា ដែល​ជា​អភិបាល​ខេត្ត​កំពត។ ​ក្នុង​ពិធី​ខួប​កំណើត​នោះ​ វឌ្ឍនាកា និង​ពិធី​ការិនី​​របស់​ទូរទស្សន៍ My TV​ កញ្ញា GiGi ​​បាន​ថត​រូប​ស្និត​ស្នាល​ដែល​ធ្វើ​ឲ្យ​មាន​ការ​សង្ស័យ​ពី​មហា​ជន​ និង​បណ្ដាញ​សារព័ត៌មាន​មួយ​ចំនួន​ផ្សាយ​ថា អ្នក​ទាំង​ពីរ​មាន​ទំនាក់​ទំនង​មិន​ធម្មតា។ ​ដើម្បី​បំភ្លឺ​ជូន​មហា​ជន GiGi ​បាន​ឲ្យ​ដឹង​ថា រូប​កញ្ញា និង​​តារា​​បាល់ទាត់​ឆ្នើម​របស់​កម្ពុជា ចាន់ វឌ្ឍនាកា គ្មាន​ទំនាក់​ទំនង​ស្នេហា​ឡើយ។ សម្រាប់​រូប​កញ្ញា​គឺ​គ្រាន់​តែ​ជា​ការ​រាប់​អាន​ធម្មតា​តែ​ប៉ុណ្ណោះ។ ចាន់ វឌ្ឍនាកា បាន​ត្រឡប់​ទៅ​ដល់​ទឹក​ដី​ជប៉ុន​វិញ​ហើយ ​បន្ទាប់​ពី​ធ្វើ​ខួប​កំណើត​ឲ្យ​លោក​ ឪ​ពុក​រួច​រាល់៕