ស្លាប់ និង​បាត់ខ្លួន​រាប់សិប​នាក់ ក្នុង​ទឹក​ជំនន់ នៅ​វៀតណាម

ទឹក​ជំនន់ ដែល​បង្ក​មកពី​ភ្លៀងធ្លាក់​ខ្លាំង បាន​សម្លាប់​មនុស្ស ៧​នាក់ និង​បាត់ខ្លួន ២៧ នៅ​ភាគ​ខាងជើង​វៀតណាម។ មន្រ្តី​ផ្នែក​គ្រោះ​មហន្តរាយ​វៀតណាម លោក Luong Tuan Anh បាន​និយាយ​កាលពី​ថ្ងៃទី៣​សីហា​ថា មនុស្ស ២នាក់​បាន​ស្លាប់ និង ១៣នាក់​បាត់ខ្លួន នៅក្នុង​ខេត្ត Yen Bai។ ចំណែក​អ្នក​រងគ្រោះ​ដទៃ​ទៀត គឺ​នៅក្នុង​ខេត្ត Son La និង Lai Chau។ វៀតណាម បាន​បញ្ជូន​ក្រុម​សង្គ្រោះ ៩០០​នាក់ ទៅកាន់​តំបន់​រងគ្រោះ​ដោយ​ទឹក​ជំនន់ ដើម្បី​ស្វែងរក​អ្នក​បាត់ខ្លួន។

វៀតណាម ជា​ប្រទេស​១ ដែល​រុំារ៉ៃ ដោយ​ទឹកជំនន់ និង​ខ្យល់ព្យុះ ដែលបាន​ធ្វើឲ្យ​មនុស្ស​ស្លាប់​រាប់រយ​នាក់​ក្នុង ១ឆ្នាំ៕