សំឡេងមិនធម្មតា! តារាគីឡូធ្ងន់ល្បីខាងញ៉ាំរូបនេះ ចេញបទចម្រៀងភ្លាមផ្អើលពេញ Facebook

តារាហ្វេសប៊ុកម្នាក់ដែលមហាជនជាច្រើនស្គាល់ថា ជានារីពូកែខាងញ៉ាំ ជនជាតិកូរ៉េ បានធ្វើឲ្យអ្នកគាំទ្ររបស់ខ្លួនមានការភ្ញាក់ផ្អើលជាខ្លាំងក្រោយបង្ហាញសមត្ថភាពច្រៀងរបស់ខ្លួន។

Yang Soo Bin ជាឈ្មោះរបស់តារាប៉ិនញ៉ាំរូបនេះ មិនត្រឹមតែមានទេពកោសល្យខាងញ៉ាំមួយមុខទេ រូបសម្រស់របស់នាងក៏ស្អាតដែរ បើទោះជាមានរាងធាត់ទ្រលុកទ្រលន់ក៏ដោយ។អ្វីដែលកាន់តែពិសេសជាងនេះទៅទៀតនោះ ថ្មីៗនាងបានចេញចម្រៀងផ្ទាល់ខ្លួនមួយបទ មានចំណងជើងថា "Just Once” ហើយវាក៏ស្ថិតក្នុងអាល់ប៊ុម ដំបូងរបស់នាងដែរ។ ពិតជាមិនធម្មតា ទឹកដមសំឡេងរបស់ Soo Bin មានលក្ខណៈស្រទន់ និងស្ដាប់ហើយមានអារម្មណ៍លន្លង់លន្លោចណាស់។

គួរបញ្ជាក់ផងដែរថា Soo Bin តែងតែបង្ហាញវីដេអូញ៉ាំចំណីផ្សេងៗលើបណ្ដាញសង្គមហ្វេសប៊ុក ហើយរាល់ពេលនាងបង្ហាញម្ដងៗ មានអ្នកចូលមើលរាប់សែននាក់ ពេលខ្លះចំនួននៃការចូលមើលមានដល់រាប់លានដងក៏មាន៕