ស្រីស្អាតស៊ិន សក្កដា សរសើរ ឌុច លីដា ដែលហ៊ានថតឈុតក្ដៅរោលរាល

ឆ្លងកាត់ការសម្ដែងខ្សែភាពយន្តជាច្រើនរឿងមកនេះ កញ្ញា ស៊ិន សក្កដា បានសារភាពថា នាងមិនធ្លាប់ប៉ះឈុតឆាកក្ដៅរោលរាល ឬ ឈុតអាក្រាតកាយឡើយ។ នាងបានស្ងើចសរសើរ ឌុច លីដា ដែលហ៊ានថតឈុតឆាកបែបនេះ។

សក្កដា បានប្រាប់ ខ្លីៗ ថានាងចូលប្រឡូកសិល្បៈបានមួយរយៈធំមកនេះ មិនទាន់មានផលិតកម្មណាមួយទាក់ទងឲ្យសម្ដែងឈុតឆាកក្ដៅរោលរាល សិចស៊ី និង អាក្រាតកាយ ដូច ឌុច លីដា នោះទេ ដោយសារតែបណ្ដាផលិតកម្មទាំងនោះគិតថា នាងមានទម្រង់មុខស្លូត សុភាព ស័ក្ដិសមនឹងតួកម្សត់ទឹកភ្នែក ច្រើនជាងប្រភេទសាច់រឿងក្ដៅសាច់។

“ខ្ញុំសុំសរសើរបង ឌុច លីដា ដែលគាត់ហ៊ានថតឈុតឆាកបែបហ្នឹង ហើយគាត់សម្ដែងបានល្អ ប៉ុន្តែសម្រាប់ខ្លួនខ្ញុំវិញ បើសិនជាផលិតករហ៊ានចំណាយ ឲ្យខ្ញុំលេងឈុតឆាកហ្នឹង ខ្ញុំប្រហែលជាសុំគិតមើលសិន ព្រោះខ្ញុំជាគ្រូបង្ហាត់របាំ និងជាអ្នករបាំបូរាណមួយរូប មិនត្រូវមើលលុយជាធំឡើយ។ ត្រូវគិតមុខមាត់កិត្តិយសកេរ្តិ៍ឈ្មោះជារឿងសំខាន់ជាង"។ ស៊ិន សក្កដា បញ្ជាក់យ៉ាងដូច្នេះ។

កន្លងមក សក្កដា បានផ្អាកពីសិល្បៈមួយរយៈ តែនាងចាប់ផ្ដើមចូលប្រឡូកវិញនៅ ឆ្នាំ២០១៤ នៅក្នុងភាពយន្តខ្នាតធំរឿង "ហ្លួងព្រះស្ដេចកន" និង រឿងមួយចំនួនទៀតជាបន្តបន្ទាប់សម្រាប់ឆ្នាំ២០១៧នេះ៕

ប្រភពពី kley kley