Rolls-Royce ចេញរថយន្តម៉ូដែលថ្មី តួផលិតពីអាលុយមីញ៉ូមសុទ្ធ

ម៉ាករថយន្តដ៏មានអំណាចបំផុត Rolls-Royce ទើបតែបានបញ្ចេញរថយន្ត Phantom ជំនាន់ថ្មីដើម្បីបើកទំព័រប្រវត្តិសាស្ត្រថ្មីរបស់ខ្លួន។

ការនាំម៉ូដែល Phantom ជំនាន់ថ្មី បានបង្ហាញពីដំណើរផ្លូវទៅមុខសម្រាប់ម៉ាកយីហោរថយន្តដ៏មានឥទ្ធិពលរបស់ពិភពលោកនេះ។ Phantom ជំនាន់ចុងក្រោយនេះ មានការរចនាបថថ្មីទាំងស្រុង ក្នុងអំបូររថយន្ត Phantom។ Rolls-Royce លែងផលិតរថយន្តដែលប្រើគ្រោង Monocoque (ប្រើសាក់ស៊ី) ដែលក្រុមហ៊ុនផលិតរថយន្តដទៃទៀតតែងប្រើប្រាស់ ជំនួសមកវិញគ្រោងតួរថយន្តធ្វើពីអាលុយមីញ៉ូមសុទ្ធសាធ ដោយចាប់ផ្ដើមជាមួយនឹងរថយន្ត Phantom ជំនាន់ថ្មីនេះ។ ការបង្កើតស្ថាបត្យកម្មម៉ូដែល Phantom ជំនាន់ថ្មីក៏ទទួលប្រយោជន៍ពីម៉ាស៊ីនដែលផលិតថ្មីទាំងស្រុងនៃម៉ាស៊ីន V12 ដែលជាផ្នែកស្នូលនៃគ្រប់រថយន្ត Rolls-Royce ក្នុងសម័យទំនើបនេះ។

ការនាំខ្សែស្រលាយ Phantom ដែលមានការរចនាទំនើបនេះ ជាការធ្វើបដិវត្តន៍ឧស្សាហកម្មរថយន្តប្រណីតរបស់ Rolls-Royce ដោយបានចាកចេញពីទម្លាប់បច្ចុប្បន្នដែលប្រើប្រាស់មូលដ្ឋានផលិតគ្រឿងរួម ហើយចាប់យកគំរូអាជីវកម្មប្រណីតថ្មីទាំងស្រុង។