អាមេរិក​ត្រៀម​ខ្លួន​បញ្ជូន​មនុស្សយន្ត​យក្ស​ប្រកួត​ជាមួយ​ជប៉ុន​និង​ចិន

មនុស្សយន្ត​ Eagle Prime ដែល​ស្ថិត​ក្រោម​ការ​អភិវឌ្ឍ​នៃ​ក្រុមហ៊ុន MegaBots របស់​អាមេរិក​ខាង​ជើង​បាន​ត្រៀម​ខ្លួន​រួច​ជា​ស្រេច​ក្នុង​ការ​ឡើង​ទៅ​ប្រកួតប្រជែង​ជាមួយ​មនុស្សយន្ត​របស់​ប្រទេស​ជប៉ុន​និង​ចិន ​ក្នុង​ព្រឹត្តិការណ៍​តាំង​បង្ហាញ​សមត្ថភាព​ផ្នែក​វិស្វកម្ម​មនុស្សយន្ត។​

Eagle Prime មាន​កម្ពស់​ជិត ៥​ម៉ែត្រ ​និង​បំពាក់​ទៅ​ដោយ​ម៉ាស៊ីន​របស់​រថយន្ត​ Chevrolet V8 SL3 ដែល​មាន​កម្លាំង​ ៤៣០ សេះ​ ដោយ​មាន​ខ្ទង់​ចំណាយ ៨ ពាន់​ដុល្លារ។​ ពី​ដំពូល​ទៅ​បាត​នៃ​មនុស្សយន្ត​មួយ​នេះ វា​មាន​ទម្ងន់​ជាង ១២ តោន។​ តាម​ការ​ប្រកាស​មនុស្សយន្ត​ Eagle Prime នឹង​ត្រូវ​ចូល​ប្រកួត​ជាមួយ​មនុស្សយន្ត​ Kuratas នៃ​ក្រុមហ៊ុន​ Suidobashi របស់​ជប៉ុន​នៅ​ខែ​កញ្ញា ហើយ​ត្រូវ​ជួប​ជាមួយ​មនុស្សយន្ត​ Monkey King របស់​ប្រទេស​ចិន​នៅ​ខែ​បន្ត​បន្ទាប់​ខាង​មុខ​ទៀត។​ ទស្សនា​វីដេអូ​ខាង​ក្រោម​បង្ហាញ​ពី​មនុស្សយន្ត​ Eagle Prime៖