មកដឹង Website ខ្លះៗ ដើម្បីលក់រូបថតនៅលើ Online

ប្រសិនបើអ្នកមានចំណូលចិត្តថតរូប និងចង់បានចំណេញពីស្នាដៃទាំងនោះ លោកអ្នកលក់រូបថតរបស់អ្នកបានតាមអនឡាញ ប៉ុន្តែជាទូទៅមនុស្សមួយចំនួនមិនដឹងថាលក់រូបភាពរបស់ខ្លួនតាមអនឡាញតាមរបៀបណាទេ។ ថ្ងៃនេះ Sabay សូមណែនាំ Website ល្បីៗមួយចំនួន ដែលលោកអ្នកអាចទាញផលប្រយោជន៍ពីវា៖ លក់តាមវិបសាយ Dreamstime.com ល្អបំផុតសម្រាប់អ្នកចាប់ផ្តើមលក់ស្នាដៃរូបថតដំបូងៗ ព្រោះរូបថតរបស់អ្នកនឹងទទួលបានភាគលាភពី 30% ទៅ 60% ពីការលក់។

លក់តាមវិបសាយ Etsy.com រូបថតរបស់អ្នកនឹងបានថ្លៃពេញ ដោយមិនតម្រូវឲ្យអ្នកបែងចែកចំណូលជាមួយ Website ទេ ប៉ុន្តែគុណវិបត្តិនៅត្រង់ថា អ្នកត្រូវបង់សេវាប្រចាំខែក្នុងការផ្សព្វផ្សាយជាមួយ Etsy ខុសពី Dreamstime ដែលអ្នកមិនបាច់បង់សេវាប្រចាំខែ តែត្រូវបែងចែកភាគលាភជាមួយគ្នា។ លក់តាមវិបសាយ iStockphoto.com សម្រាប់អ្នកថតរូបអាជីព iStockphoto ជាជម្រើសល្អមួយទៀតរបស់អ្នក ព្រោះ iStock ដែលដំណើរការដោយ Getty Images គឺជា Website លក់រូបថតឈានមុខគេលើលោក ដែលរូបថតរបស់លោកអ្នក អាចនឹងលក់ដាច់លឿន ប៉ុន្តែតម្លៃដែល Website មួយនេះផ្តល់ជូនម្ចាស់ស្នាដៃ ក៏មានការប្រកួតប្រជែងខ្លាំងដែរ។ និយាយបែបផ្សេង រូបថតអ្នកលក់ដាច់លឿន តែតម្លៃហាក់ទាប។