ក្រុមបាល់ទាត់ទៅស៊ីហ្គេម គឺ U22 ទាំងអស់ អត់​អាច​យកកីឡាករលើស​អាយុ ៣នាក់បានទេ

លោក ឈូក ពិសិដ្ឋ អ្នក​ចាត់ការក្រុម​បាល់ទាត់ជម្រើសជាតិកម្ពុជា បាន​បញ្ជាក់ប្រាប់​ខ្លីៗ ថា ក្រុម​បាល់ទាត់​ដែល​ត្រូវចូលរួម​ព្រឹត្តិការណ៍​កីឡាស៊ីហ្គេម គឺត្រូវ​មាន​អាយុ​ក្រោម ២២ឆ្នាំ​ទាំង​អស់ មិន​មាន​ច្បាប់ណា តម្រូវឲ្យ​យក​កីឡាករ​​លើស​​អាយុ ចំនួន ៣នាក់ ដូចពាក្យ​ចចាមអារ៉ាមកន្លងមកទេ។ ចំណែក​ក្នុង​ច្បាប់​របស់​វិញ្ញាសា​បាល់ទាត់ នៅស៊ីហ្គេម ឆ្នាំនេះ ក៏​មាន​បញ្ជាក់​ត្រង់ចំណុច ៤.៣ ដែរថា "មាន​តែ​កីឡាករ​កើតក្រោយ​ថ្ងៃ​ទី១ ខែមករា ឆ្នាំ១៩៩៥ (ក្រោម ២២ឆ្នាំ) ប៉ុណ្ណោះ ដែល​អាច​លេង​បាន"។គួរ​បញ្ជាក់​ថា អ្នក​គាំទ្រ​បាល់ទាត់​កម្ពុជា​មួយ​ចំនួន បាន​យល់ច្រឡំ​ថា​ក្រុម U22 កម្ពុជា ដែលទៅស៊ីហ្គេម អាចបន្ថែម​កីឡាករលើសអាយុ​បាន ដោយ​អ្នក​ខ្លះ​បាន​យោងលើ​ប្រភព Wikipedia ប៉ុន្តែ​ជាក់ស្ដែង​គឺ​មិន​មែននោះទេ។

កីឡាករទាំង ២០រូប ដែលជាប់ទៅលេងស៊ីហ្គេម ឆ្នាំ​នេះ មាន​ដូចខាងក្រោម៖ ប្រាក់ ធីវ៉ា, ឆេង ម៉េង, ឆុំ ភីសា, ជួន ចាន់ចាវ, ច្រឹង ពលរដ្ឋ, ហួយ ផល្លីន, អ៊ិន សូដាវីដ, កែវ សុខសិលា, លី វ៉ាហេទ, នេន សុធារដ្ឋ, នួន បូរី, នុប តុលា, សំអឿន ពិដោរ, សារី ម៉ាត់ណូរ៉ូទីន, សឿត បារាំង, ស៊ិន កក្កដា, សឿយ វិសាល, សុក សំណាង, សុន វណ្ណដេត និង អ៊ុំ សេរីរ័ត្ន។ចំណែកឯ​មន្រ្ដី មាន​ដូចជា៖ ​លោក Leonardo Vitorino ជា​គ្រូ​បង្វឹក, លោក Luis Fernando ជា​គ្រូ​ជំនួយ, លោក Wilander Fonseca ជាគ្រូ​ជំនួយ, លោកឈូក ពិសិដ្ឋ ​អ្នកចាត់ការ​ក្រុម និង​​លោក ម៉ៃ តុលា អគ្គ​លេខាធិការ​សហព័ន្ធ​កីឡា​បាល់ទាត់​កម្ពុជា ជា​អ្នក​ដឹកនាំ​ក្រុម៕ប្រភពពី ខ្លីខ្លី